Asbuγer n tmaziγt s wawalen imaynuten yebnan γef yiqulab iqburen


Asnulfu n wawalen imaynuten yessefk ad yebnu γef yiqulab utbiten, mulac d asedrem ara nessedrem
anagraw n tmaziγt. I wakken ad nessegdel i waya, aql-i ihi fkiγ-d tarrayt swayes ara nesbuγer tutlayt-nneγ
war amihi n werway n unagraw-is. Gret tamawt dakken anadi-a ur yemmid ara; ad t-nettkemmil yal m’ara
nestufu. Ansuf s yiwenniten-nwen ara yilin d tallalt i ukemmel-is.

Aqaleb wis 1: isem / arbib s talγa “am+uRiR”
Imedyaten n waalen iqdimen: amuḍin, tamuqint

Imedyaten n wawalen imaynuten:
– Amuzif (nu), seg “azef” (ê.nu): tameṭṭut tamuzift (une femme nue)
– Amuzin (envoyé), seg “azen” (envoyer): amuzin uslig (envoyé spécial)
– Amuwil (marié), seg “awel” (se marier): tagnit tawaculit: amuwil (situation familiale: marié)
– Amumis (contaminé), seg “ames” (ê.sale): aman imumisen (eau contaminée)
– Amugil (suspendu), seg “agel” (suspendre): amurar amugil (un joueur suspendu)

Aqaleb wis 2: isem / arbib s talγa “am+uRRiR”
Imedyaten n wawalen iqdimen: : amukris, amuḥric, amuzyin, amuṭṭis

Imedyaten n wawalen imaynuten:
– Amussin (célèbre), seg “issin” (connaitre): acennay amussin (chanteur célèbre)

– Amuzmir (apte), seg “izmir” (ê.capable): d amuzmir i wesγari (il est apte à enseigner)
– Amuzdiγ (hanté), seg zdeγ” (habiter): axxam amuzdiγ (maison hantée)
– Amucciḍ (glissant), seg “cceḍ” (glisser): abrid amucciḍ (chaussez glissante)
– Amuffiγ (sortant), seg “ffeγ” (sortir): aselway amuffiγ (le président sortant)

Aqaleb wis 3: isem / arbib s talγa “aRRaRaR”
Imedyaten n wawalen iqdimen: aqlalaḥ, agrarab, axnanas

Imedyaten n wawalen imaynuten:
– Aγwawas (criard), seg “γwiwes” (crier fort): γer-s taγect taγwawast (il a une voix criarde)
– Alwawaḍ (tremblant), seg “lwiweḍ” (trembler): yenna s taγect talwawaḍt (il dit d’une voix
tremblante)
– Aqnajjar (crispé), seg “qnijjer” (se crisper): udem aqnajjar (un visage crispé)
– Akraras (compliqué), seg “krures” (ê.noueux): tamsirt takrarast (une leçon compliquée)
– Agdadac (svelte), seg “gdudec” (ê.svelte): tameṭṭut tagdadact (une femme svelte)

Aqaleb wis 4: isem / arbib s talγa “imReRReR”
Imedyaten n wawalen iqdimen: imsellek, imṣeggem, imḥezzeb, imḍebber, imṣerref, imḥettem

Imedyaten n wawalen imaynuten:
– Imcebbeb (grimpant), seg “cebbeb” (grimper): imγi imcebbeb (plante grimpante)
– Imwelleh (orientateur), seg “welleh” (orienter): imwelleh aγurbiz (orientateur scolaire)
– Imwekked (confirmatif), seg “wekked” (confirmer): taγtest timwekkedt (arrêt confirmatif)
– Imweddeṛ (gaspilleur), seg “weddeṛ” (gaspiller): imḍebber imweddeṛ (un responsable gaspilleur)
– Imsebbeb (provocateur de), seg “sebbeb” (causer): imsebbeb n tmukrisin (provocateur de
problèmes).

Sγer: D.Messaoudi

Comments

comments