Imerna n tɣara akked iwenniyen imernayen n tɣara


    Imerna n tɣara akked iwenniyen imernayen n tɣara d awalen neɣ d tifyirin yemmalen amek ay tettwasker tigawt. Imaziɣen sseqdacen mennaw n yemzunen n wawalen-a / tefyirin-a ; hatan dɣa ugmuḍ n unadi-inu deg tentaliyin n tmaziɣt :

  1. s + isem / isem amyagan:
  • s wannuz, s tuffra, s werrif, s ucmumeḥ

Amedya: Teffeɣ teqcict seg uxxam s tuffra n baba-s.

2. d + isem / isem amyagan:

  • d tazzla, d aqlaqqel, d tikli

Amedya: Teffeɣ-d teqcict ɣer ubrid sakin tebren d tazzla s axxam mi twala baba-s

3. Talɣa tusligt n yisem / isem amyagan war tiɣri tazwarant:

  • xmat-xmat, cma-cma, cwiṭ-cwiṭ, kra-kra, duga-duga

Amedya: Ittqerrib yizem xmat-xmat metwal taɣzalt ikessen; mi qrib ad tt-yaweḍ, iẓdem fell-as.

4.Talɣa tusligt n yisem / isem amyagan s tiɣri tazwarant:

  • adday-adday, iri-iri,

Amedya: Netteddu iri-iri n wasif armi nufa tamda deg ara nessucef.

5.Bel + isem war tiɣri tazwarant:

  • belgecrir, belɛebbuḍ, belqerruy

Amedya: Yerwel uǧundi belɛebbuḍ am uzrem ɣer ddaw ubrid akken ad yeffer.

6 . bel + isem s talɣa n umaruz:

  • belyidis

Amedya: Tawwurt-a teḍyeq; ekk belyidis akken ad tɛeddiḍ.

7. bel + f + isem s talɣa n umaruz:

  • belfudem

Amedya: Inna-as umejjay ṭṭes belfudem ma tesɛiḍ adeddic deg uzagur.

8. Isem war tiɣri tazwarant + i:

  • fellaḥi, qejmuri, ferfari, ɛegguni, ɛerɛuri, waculi

Amedya: Ɣas akk-n d aḍbib ameqqran, netta ittlusu u ittett fellaḥi.

9. w + isem war tiɣri tazwarant + i:

  • warraci, waẓnagi, waɣyuli, wakali, wallumi

Amedya: Aṭas n yikafriwen ay yessenger Ṛebbi wakali.

10. m + afeggag s talɣa RRuR + i:

  • meqlubi

Amedya: Yura isem-is meqlubi.

11. m + afeggag s talɣa RaRR + i:

  • mxazni

Amedya: Yerkeb aɛudiw-is mxazni (I sin iḍarren deg yiwet n tama).

12. m + amyag s talɣa n wurmir:

  • mezleg, mṣeggem

Amedya: Itteddu mezleg amzun illeɣẓam deg uḍar.

13. Arbib s talɣa meRRaRu war tiɣri tazwarant:

  • meɛwaǧu

Amedya: Tetteddu meɛwaǧu am tfireɛqest.

14 . ment + amyag s talɣa n wurmir:

  • mentekref

Amedya: Akk-n kan iwwed ugrud ɣer yiri n lkanun, tger-d yemma-s mentekref tejbed-it-id.

15 . m + isem amyagan war tiɣri tazwarant:

  • menṣaf

Amedya: Tebḍa tmeṭṭut taḥbult n uɣrum menṣaf, tefka i yal yiwen azgen.

16 . Isem / isem amyagan s twuri n umernu:

  • tinnegnit, timendeffert, Tamara

Amedya: Iṭṭes tinnegnit beṛṛa akken ad iwali itran.

17. Isem amyagan war tiɣri tazwarant s twuri n umernu:

  • jelweḥ

Amedya: Itteddu deg ubrid jelweḥ am umeslub.

18. Arbib s talɣa uRRiR war tiɣri tazwarant s twuri n umernu:

  • srid

Amedya: Mi d-tusa seg uxeddim n uɣerbaz, terra srid ɣer uniwel n yimensi.

19. Isem unti war ticreṭ taggarant + i:

  • takuri

Amedya: Tuder-d Lwiza seg tiɣilt-ihin takuri am tkurt n udfel.

20 . Isem war tiɣri tazwarant s tecreṭ taggarant “uc”:

  • ɛirquc

Amedya: Yeddem-it-id baba-s ɛirquc seg uɣeggad armi d axxam

Imerna akked iwenniyen imernayen imaynuten:

Deg uḥric-a, ad d-nesnulfu imerna imaynuten, maca ad ilin meṛṛa ttwaṣken ɣef yemzunen yellan yakan deg tutlayt tamaziɣt. Walit-ten:

  1. s tukast        – chaleureusement
  2. s telqayt       – profondément
  3. s tekreṭ        – violemment
  4. s telkint        – avec certitude
  5. s tmidwa       – amicalement
  6. s teflest        – avec confiance
  7. s tayest        – désespéramment
  8. s tayetti        – intelligemment
  9. s userhu       – avec honneur
  10. s usnagar     – fréquemment

***

  1. feggagi             – radicalement
  2. gemmiri             – dignement
  3.  behluli              – naïvement
  1. gerguri             – grossièrement
  2. ɛeẓẓugi            – sourdement
  3. derɣali             – aveuglément
  4. menṭasi           – idiotement
  5. fegrasi            – héroïquement
  6. qehbuni           – à la manière d’une pute
  7. qamcaci           – avec avarice

***

  1. wasufi            – solitairement
  2. wadrugi           – secrètement
  3. waddayi           – avec bassesse
  4. waẓmaki          – rigoureusement
  5. walamɣi           – luxueusement
  6. wakfuri            – avec arrogance
  7. wanufli            – follement
  8. warurdi            – rapidement
  9. wagrawi           – ensemble, en groupe
  10. waxxuti            – bêtement

***

  1. cemmuti             – d’une façon dégradante
  2. jegguri               – d’une manière avilissante

***

  1. meslubi            – follement
  2. medluli              – d’une façon humiliante

***

  1. mettru              – en pleurant
  2. mezreb             – précipitamment
  3. mebru              – avec laxisme
  4. merked             – calmement
  5. menẓem           – avec souci
  6. msettef            – respectivement, en ordre

***

  1. meɛdazu              – avec paresse
  2. merẓagu              – amèrement
  3. messeḍsu            – comiquement
  4. melleɣwu             – en titubant

Iγbula

  • Mammeri, 1990, Tajeṛṛumt n tmaziγt (tantala taqbaylit), Bouchene, Alger.

 

Sɣur: D.Messaoudi

Comments

comments