الرئيسية / tamaziɣt / Kra n yirman ed tenfaliyin i usishel n tmeslayt s tmaziγt yettusḥedqen

Kra n yirman ed tenfaliyin i usishel n tmeslayt s tmaziγt yettusḥedqen

    S tsebba n tnamit ay uγen Yimaziγen ttmeslayen s tutlayin tibeṛṛaniyin, tutlayt tamaziγt n wass-a tejla aṭas n yirman ed tenfaliyin tinaṣliyin, d ayen yeğğan imatlayen imaziγen ur ttafen tikkwal amek ara d-bdun ameslay, neγ amek ara t-kemmlen, neγ amek ara t-gerden. Umuγ-a d-yetteddun d asekfel n yirman ed tenfaliyin tinaṣliyin yettwattun; d aseḥdeq n tiden-nni d-yettureḍlen s talγiwin n tutlayt taγbalut : taεrabt. Umuγ-a ur yemmid ara ; netta d taruẓi n usalu i widen yebγan ad nadin deg taγult-a i wakken ad d-skeflen imedyaten niḍen ara yessisehlen tutlayt s tmaziγt.

  1. Γef waḥsab n … / γef wakk-n …   (selon / d’après)
  • Γef waḥsab n yigenni-a, iḍ-a ad d-yeγli wedfel.
  • Γef wakk-n d-nnan yeγmisen, aselway n tigduda yenṭer.
  1. I lmend n …    (à titre d’exemple)
  • Aṭas n tmukrisin ay d-nemmuger. I lmend n wawal, tidersi n wedrim d yiwet.
  1. Ur … kan, maca ula … daγen … (non seulement,  … mais aussi)
  • Ur d adrim kan ay t-ixuṣṣen, maca ula d tazmert daγen.
  1. Iḥun Ṛebbi … / Cwi-kan … (heureusement)
  • Teγli-d tgejdit fell-as, iḥun Ṛebbi ur t-tḥuz ara.
  1. Dacukan … (cependant / seulement)
  • Yessen tamaziγt, dacukan ur tt-yesseqdac ara.
  1. Dakken… / nwis           (que)
  • Ssutreγ deg-s kra n wedrim, yenna-yi-d dakken yerḍel-iten akk i medden.
  • Dakken ur d-yerri s wawal ur iyi-sewhem ara, imi netta d amagad.
  1. Awidukan … (tant mieux)
  • Yegrareb s tkeṛṛust-is, maca yemneε ur yemmut. Awidukan.
  1. Ad yeg Ṛebbi …        (que + subjonctif)
  • Ad yeg Ṛebbi yejji umuḍin-nwen !
  1. A-wer …             (quene)
  • A-wer aγ-d-iqis Ṛebbi s wayen nteg n yihwah.
  1. Ad yeg Ṛebbi yedder … / yedder … (que vive / vive)
  • Ad yeg Ṛebbi ddren yinifiyen !
  1. Ad yeg Ṛebbi yeγli … / yeγli … (à bas)
  • Ad yeg Ṛebbi yeγli unesbaṭli !
  1. Hib … neγ … / ya … ya … (soit, … ou bien)
  • Fren kan yiwen webrid: hib ad tedduḍ yid-i, neγ yid-s.
  • Snefraneγ-k gar sin yiberdan: ya ad tedduḍ yid-neγ, ya yid-sen.
  1. Lidiw / aγerya / εiwaḍ (au lieu de)
  • Lidiw ad ifak ameddakel-is, netta yerwel.
  1. Ihayen / yirbeḥ          (d’accord / OK)
  • Yenna-yi-d ad nemlil azekka, nniγ-as ihayen.
  1. Deg turda … / deg ṛṛay … (à mon avis)
  • Deg turda-w, yessefk ad neg kra i weḥbas n urebrab.
  1. Akk-n ttxemmimeγ nekk, … / akk-n cukkeγ nekk, … (je crois que)
  • Akk-n ttxemmimeṣ nekk, yessefk ad nebdu tikli tura.
  1. Yuwi-yi-d Ṛebbi … / Yeḥsab-iyi Ṛebbi …  (j’ai l’impression que)
  • Yuwi-yi-d Ṛebbi ilaq nebdu sya.
  1. Wullen, … (et bien / bon)
  • Acu ara d-tiniḍ deg uḍris-a ? Wullen, la ttwaliγ igerrez aṭas.
  1. Akk-n yebγu yili, … (en tous les cas)
  • Akk-n yebγu yili, yessefk ad nerzu fell-as.
  1. Akk-n yebγu yili + isem (quelque soit)
  • Akk-n yebγu yili wassif, yessefk ad t-nezger.
  1. Maḍlani, … [i] (mondialement)
  • Maḍlani, anaẓur-a ur yettwassen ara.
  • Ur yettwassen ara unaẓur-a maḍlani.
  1. Damsani, …[ii] (économiquement parlant)
  • Damsani, nezmer ad d-nini d akken tamurt-a ad tt-id-temmager tezγent tameqqrant.

[i].  Nezmer ad d-nernu awalen niḍen am “digani” (localement), “sertani” (politiquement), atg.

[ii] . Ma deg tefṛansist ed tenglizit, qqaren (économiquement parlant / economically speaking), deg taεrabt qqaren kan (سياسيا) ; tanfalit n tmaziγt tebna ihi γef tmeggarut-a.

عن ⵜⵓⵜⵍⴰⵢⵜ

شاهد أيضاً

Asbuγer n tmaziγt s wawalen imaynuten yebnan γef yiqulab iqburen

Asnulfu n wawalen imaynuten yessefk ad yebnu γef yiqulab utbiten, mulac d asedrem ara nessedrem …

تعليق واحد

  1. To determine internal swelling is difficult enough, therefore, consequently, they influence the body for a long time, which threatens the normal fetus. Fluids are dangerous because they break blood circulation. Similar picture leads to worsening feeding and the breath baby, created hypoxia.
    Fighting such a pathology should be done with the help of correction feeding and special procedures so that water does not stay tissues. If the woman is resting, then under the feet preferably put a cushion or pillow to improve the blood circulation of tired legs. Prohibited long time to sit or stand, as this leads to stagnation in the body. It is recommended that the knee-elbow position several times a day in order to increase blood flow.
    how to reduce swelling while pregnant

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *